شعر عـــن الاخوه

مطعون انه ابخنجري وبسيفي وبيمناي
او مادام هيج الاخو يازمن لتحداه
جنه ابراءة طفل نلعب او جنه ازغار
ولو خوي يمي بجه من وحدي ابجي وياه
جان الزمن يبتسم من لمة الخوان
او هسه الزمن يبتسم للعنده مال وجاه
جنت اكل لمي ابشقه يمه الزمن غدار
والاخوة اعله جاهج تره ملتمه هسه اهنا
ولاسامح الله اذا يلوالده اترحلين
بعدج اتيه الربع كلمن على منواه
اوصار الي منه خفت ونكطع بينه الخيط
اوكشر انيابه الاخو وتصلفت عيناه
راحت محنة كبل من راحة ام البيت
اوطلعن اسهام الاخو جن ظامهن جواه
للغرب نسمة هوا ابن امي كام ايصير
اوريحه وسمومه علي لو ردت اتعناه
بابه عله وجهي انطبك وانفتح للشمات
وانه بدمعتي جنت من يكبل اتلكاه
الوجوه نفس الشبه والصوت نفس الصوت
بس بالكلوب اشكثر مختلف انه وياه
الطمع...اه يلطمع يمخرب الخوان
خلانه نركض ركض كلمن عله دنياه
ضاعت علينه الطرق وتغيرت الكلوب
لو نبقه خوه جذب لو هيجي المجازاه